اس میں کوئی شک نہیں کہ انسان جب ذکر کی مجلس میں حاضر ہوتا ہے تو اس پر رحمت اور سکینہ نازل ہوتی ہے اور اللہ تعالیٰ اس کا ذکر آسمانوں میں کرتاہے اور کچھ فرشتے اس مجلس ذکر میں شرکت بھی کرتے ہیں لیکن میرا سوال یہ ہے کہ اگر مجلس ذکر میں تصویر ہو تو کیا اس مجلس میں فرشتے حاضر ہوتے ہیں ؟
ھل تنزل الملائکۃ فی مجلس فیہ صور؟
الجواب
اگر تصویر ایسی چیز کی ہو جس کی تصویر بنانا یا لینا جائز نہ ہو تو ایسی تصویروں کا وجود فرشتوں کے دخول کے لئے مانع ہے۔ جیسا کہ بخاری (۳۳۲۲) اورمسلم (۲۱۰۶) کی حدیث میں ہے حضرت ابو طلحہ ؓ آپﷺسے روایت کرتے ہیں :’’جس گھر میں تصویر یا کتا ہو تواس گھرمیں فرشتے داخل نہیں ہوتے ‘‘ اور اسی طرح مسلم شریف میں حضرت عائشہ ؓ سے مروی ہے :’’ جس گھر میں تصویریں ہوں وہاں فرشتے نہیں جاتے‘‘۔ (۲۱۰۷)اہل علم اس حدیث کا مفہوم یہ بیان کرتے ہیں کہ فرشتوں سے مراد یہاں رحمت اوربرکت کے فرشتے ہیں نہ کہ وہ فرشتے مراد ہیں جو جو حفاظت پر مامور ہیں یا قبض ارواح پر۔ ایسے فرشتے انسان کو کسی حالت میں نہیں چھوڑتے اور ہر بنی آدم کے گھر میں داخل ہوتے ہیں ۔ واللہ أعلم۔
آپ کا بھائی
خالد بن عبد الله المصلح
17/12/1424هـ
