رمضان میں مسافر کیلئے روزہ چھوڑنا کیسا ہے؟ الفطر في رمضان للمسافر

حامداََ و مصلیاََ۔۔۔

اما بعد۔۔۔

اللہ کیتوفیق سے ہم آپ کے سوال کے جواب میں کہتے ہیں:

سفر ان رخصتوں میں سے ہے جنہیں اللہ تعالی نے روزہ چھوڑنے کی اجازت کا سبب بنایا ہے، اللہ تعالی کا فرمان ہے: ((اور اگر کوئی شخص بیمار ہو یا سفر پر ہو تو وہ دوسرے دنوں میں اتنی ہی تعداد پوری کر لے)) [البقرہ:۱۸۵] اور اس سے پچھلی آیت میں فرمایا: ((پھر بھی اگر کوئی شخص بیمار ہو یا سفر پر ہو تو وہ دوسرے دنوں میں اتنی ہی تعداد پوری کر لے)) [البقرہ:۱۸۴] ۔

باقی رہ جاتا ہے یہ سؤال کہ افضل روزہ رکھنا ہے یا نہ رکھنا؟ تو یہ دونوں صورتیں سنت میں ملتی ہیں، اہل علم کی کتب میں مشہور و معروف احادیث منقول ہیں جو روزہ ترک کرنے اور روزہ رکھنے دونوں کے بارے میں ہیں۔ لیکن میری رائے میں راجح قول یہ ہے کہ اگر روزہ رکھنا مشقت سے خالی ہوتو سفر میں بھی روزہ رکھنا ہی افضل ہے، ہاں اگر مشقت ہو اور رخصت لینا چاہتا ہو تو نبیؐ کا قول موجود ہے کہ حمزہ بن عمرو اسلمیؓ نے جب آپؐ سے سفر میں روزہ کا پوچھا تو فرمایا: (( یہ اللہ کی طرف سے رخصت ہے، تو جو اس پر عمل کرنا چاہے تو بہت اچھے اور جو روزہ رکھے تو اس پر بھی کوئی حرج نہیں)) حدیث صحیح ہے