مجھے ایک مسئلہ میں آپکا فتوی درکار ہے جس میں علماء کا اختلاف دیکھنے میں آتا ہے، اور وہ ہے نعتیں سننا اس بات کو ملحوظ رکھتے ہوئے کہ ان اناشید میں کوئی آلات موسیقی کا استعمال نہیں ہوتا بلکہ انسانی آواز کو ہی مؤثر بنا کر اس میں لایا جاتا ہے جن میں کوئی حرام آلات نہیں ہوتیں؟ اللہ آپکو جزائے خیر دے
حكم استماع الأناشيد
الجواب
حمد و ثناء کے بعد۔۔۔
نعتوں اور اناشید وغیرہ میں اصل تو حلت ہے لیکن مندرجہ ذیل امور کو ملحوظ خاطر رکھنا ضروری ہے:
۱- واجبات اور دیگر امور دین و دنیا جن کا اہتمام ضروری ہے ان سے بندے کو غافل نہ کریں۔
۲- ان میں ایسا کوئی کلام نہ ہو جو شر اور فساد کی طرف اشارہ کرتا ہو۔
۳- اللہ تعالی کی طرف سے طے شدہ حالات و مصائب پر مسلمان کو صبر کی جو تلقین کی گئی ہے اس کے منافی کوئی کلام نہ ہو۔
۴- گانے والوں اور بدعتی قسم کے لوگوں کی مشابہت نہ پائی جائے۔
اپنے لئے بھی اور اپنے بھائیوں کیلئے میری یہ ترغیب ہے کہ ہم اپنی عمر اور اپنے اوقات کو لہو و لعب میں ضائع نہ کریں الا یہ کہ کوئی ایسی ضرورت ہو یا کسی مصلحت کے تحت کچھ ایسے عمل میں لگا جائے، ہماری عمریں پہلے ہی بہت چھوٹی ہیں اللہ سے دعا ہے کہ ہمیں نیکی اور تقوی کے کاموں میں استعمال کر لے۔
آپ کا بھائی/
خالد المصلح
17/09/1424هـ
